पोलीस पाटील पदभरती 2025: बीड जिल्ह्यात गावनिहाय आरक्षण निश्चीतीबाबत महत्त्वाचा निर्णय
बीड जिल्ह्यातील पोलीस पाटील पदभरती प्रक्रियेबाबत प्रशासनाने महत्त्वाचा आणि दिलासादायक निर्णय घेतला आहे. जिल्ह्यात सध्या पोलीस पाटील पदांची मोठ्या प्रमाणात कमतरता असून त्यामुळे गावपातळीवरील कायदा व सुव्यवस्थेवर परिणाम होत असल्याचे निदर्शनास आले आहे.
ही परिस्थिती लक्षात घेता, पोलीस पाटील भरती प्रक्रिया तातडीने राबविण्याच्या दृष्टीने गावनिहाय आरक्षण निश्चीतीसाठी वेळापत्रक जाहीर करण्यात आले आहे.बीड जिल्ह्यातील पोलीस पाटील पदांची स्थिती बीड जिल्ह्यात पोलीस पाटील पदांची एकूण मंजूर संख्या 1323 आहे. मात्र सध्या यापैकी केवळ 144 पोलीस पाटील कार्यरत असून तब्बल 1179 पदे रिक्त आहेत. इतक्या मोठ्या प्रमाणात पदे रिक्त असल्यामुळे गावपातळीवर प्रशासनाला आवश्यक ती माहिती वेळेवर मिळण्यात अडचणी निर्माण होत आहेत.पोलीस पाटील हे गावातील प्रशासन आणि पोलीस यंत्रणा यांच्यातील महत्त्वाचा दुवा मानले जातात. गुन्हेगारी घटना, वाद-विवाद, नैसर्गिक आपत्ती, कायदा व सुव्यवस्था याबाबतची माहिती वरिष्ठ अधिकाऱ्यांपर्यंत पोहोचविण्यात त्यांची भूमिका अत्यंत महत्त्वाची असते. मात्र पदे रिक्त असल्याने गावातील सामाजिक शांतता व सुरक्षिततेवर परिणाम होण्याची शक्यता वाढली आहे.भरतीची गरज का निर्माण झाली?रिक्त पदांमुळे:गावातील गुन्हेगारीचे प्रमाण वाढण्याचा धोकाप्रशासन व पोलीस यंत्रणेला वेळेवर माहिती न मिळणे नैसर्गिक आपत्तीच्या वेळी तातडीच्या उपाययोजनांमध्ये अडथळेनागरिकांच्या सामाजिक सुरक्षिततेवर परिणामया सर्व बाबी लक्षात घेऊन पोलीस पाटील पदे तातडीने भरणे अत्यावश्यक असल्याचे जिल्हा प्रशासनाने स्पष्ट केले आहे.
गावनिहाय आरक्षण निश्चीतीसाठी वेळापत्रक जाहीर जिल्ह्यात भरती प्रक्रियेत एकसूत्रता राहावी आणि पारदर्शकता टिकून राहावी, या उद्देशाने महाराष्ट्र ग्राम पोलीस अधिनियम 1967 चे कलम 3 अन्वये प्राप्त अधिकारांचा वापर करत जिल्हादंडाधिकारी, बीड यांनी गावनिहाय आरक्षण निश्चीतीसाठी पुढील वेळापत्रक निश्चित केले आहे.भरती प्रक्रियेचे टप्पे आणि कालावधी1. बिंदुनामावली तयार करणे व मंजुरी घेणे– बिंदुनामावली तयार करून तपासणी व प्रमाणिकरण पूर्ण करण्यात आले आहे.2. जाहीर नोटीस प्रसिद्ध करणे व गावनिहाय आरक्षण जाहीर करणे– 15 डिसेंबर ते 20 डिसेंबर 20253. आरक्षणावर हरकती / आक्षेप मागविणे– 22 डिसेंबर ते 26 डिसेंबर 20254. प्राप्त आक्षेपांवर निर्णय घेऊन अंतिम गावनिहाय आरक्षण जाहीर करणे– 30 डिसेंबर 2025या वेळापत्रकानुसार
सर्व संबंधित अधिकाऱ्यांनी कार्यवाही करावी, असे निर्देश देण्यात आले आहेत.पुढील टप्प्यांचे वेळापत्रक लवकरचगावनिहाय आरक्षण निश्चितीनंतर पोलीस पाटील भरती प्रक्रियेचे पुढील टप्पे – जसे की अर्ज प्रक्रिया, निवड पद्धत, गुणांकन आदींचे वेळापत्रक यथावकाश जाहीर करण्यात येणार असल्याचे प्रशासनाने स्पष्ट केले आहे.अधिकाऱ्यांना सूचनाया निर्णयाची माहिती:विभागीय आयुक्त, छत्रपती संभाजीनगरमुख्य कार्यकारी अधिकारी, जिल्हा परिषद बीड सर्व उपविभागीय दंडाधिकारीसर्व तहसीलदार व तालुका दंडाधिकारीयांना देण्यात आली असून आवश्यक त्या कार्यवाहीचे निर्देश देण्यात आले आहेत.
